Երևան, 30.Ապրիլ.2017,
--
:
--
,

Բլոգերներին տպավորել է արցախցի երեխաների խաղաղության ձգտումը. շարունակվում է բլոգերների միջազգային ֆորումը

 Արցախի Հանրապետությունում մարտի 19-21-ը տեղի ունեցող բլոգերների միջազգային ֆորումին մասնակցում են շուրջ 30 բլոգերներ 11 երկրից: Ֆորումի գլխավոր թեմաներն են հակամարտությունների ներկայացումը սոցիալական մեդիայում և բլոգերների ու լրագրողների ազատությունների ապահովումը: Արցախում բլոգերների միջազգային ֆորումի աշխատանքները կազմակերպվել է «Արցախակերտում» հասարակական կազմակերպության և Արցախի ժուռնալիստների միության կողմից: Ֆորումը վարում են ԱՀ վարչապետի մամլո խոսնակ Արտակ Բեգլարյանը և մեդիափորձագետ Սամվել Մարտիրոսյանը: 

Ֆորումին «Աշխարհ» ռազմավարական հետազոտությունների կենտրոնի (Ստեփանակերտ) տնօրեն, ռազմական և ազգային անվտանգության խնդիրների փորձագետ Հրաչյա Արզումանյանը ներկայացրեց արցախյան հակամարտության առաջացման պատճառները: «Հարկավոր է օգնել Ադրբեջանի հանրությանը բուժվելու «Ալիևյան կլան» հիվանդությունից միջազգային դատարանի միջոցով, որտեղ կդատապարտվի նրանց կողմից սերունդների այնպիսի դաստիարակությունը, որի արդյունքում կտրում էին հայ կանանց, երեխաների գլուխները և ականջները»,- ասաց Արզումանյանը:

Նա հիշեցրեց՝ չի անցել մեկ տարի, ինչ զոհվեցին ավելի քան 100 երիտասարդ հայ զինվորներ՝ Ադրբեջանի սանձազերծած ռազմական գործողությունների հետևանքով: Նրա խոսքով` նրանք զոհվեցին, քանի որ հերթական անգամ աշխարհաքաղաքական ուժերի կենտրոնը որոշեց խաղալ տարածաշրջանի հետ: Արզումանյանի համոզմամբ` իրենց խնդիրն է այնպես անել, որ Կովկասը չդառնա «կրակային», քանի որ այն չի լինելու միայն տեղային, այն լինելու է լայնամասշտաբ: «Փորձը ցույց է տալիս, որ աշխարհաքաղաքական ուժերը, եթե չեն ցանկանում զբաղվել խնդրով, ապա միգուցե բլոգերները, որպես նոր ձևավոր վող հանրային տեղեկատվության իրականություն` կարող են ազդել իրավիճակի վրա»,- ասաց նա:

ԱՀ էկոնոմիկայի նախարարի տեղակալ Սերգեյ Շահվերդյանը ներկայացրեց Արցախի զբոսաշրջության վիճակը: Նրա խոսքով` Արցախի Հանրապետության զբոսաշրջություն ասելով, հասկանում ենք տարեկան շուրջ 15 հազար զբոսաշրջիկ, 43 հյուրանոցային տնտեսություն, ՀՆԱ-ի 3 տոկոս, 7 զբոսաշրջային ընկերություններ և լիցենզավորված զբոսավարներ:

«Արցախի Հանրապետության զբոսաշրջիկներն առաջին հերթին ՌԴ քաղաքացիներն են, այնուհետև ԱՄՆ-ի, Իրանի և եվրոպական երկրների քաղաքացիները: Զբոսաշրջիկների այցելության միջին տևողությունը 5 գիշեր է: Արցախում կան ավելի քան 4 հազար պատմամշակութային հուշարձաններ, 5 արգելոցներ, բարձր լեռներ, կանաչ հարթավայրեր, գետեր, ջրամբարներ և, իհարկե, ժողովուրդ, որը չի կորցրել հնուց եկած իր հյուրընկալությունը»,-ասաց Շահվերդյանը:

Բելառուսից ժամանած բլոգեր Ալեքսանդր Հոիշըկն անդրադարձավ Բելառուսի կողմից Լապշինի արտահանձնմանն Ադրբեջանին: Նա համոզմունք հայտնեց, որ այն ռուսական և բելառուսական իշխանությունների կոնֆլիկտի հետևանքն էր:

«Ես` ինքս, ճանապարհորդ եմ և լավ հասականում եմ, թե ինչ է նշանակում լինել աննշան խաղացող այս մեծ խաղի մեջ: Ցավոք սրտի այս խաղն էլ շատ վատ անդրադարձավ մեր երկրի իմիջի վրա միջազգային հանրության կողմից: Այն ցույց տվեց, որ թե ինչքան անիմաստ էր այն: Մենք ոչ մի նավթ էլ չստացանք, արդյունքում պարտվեցինք բոլոր ասպեկտներում: Ես, որպես Բելառուսի քաղաքացի, կարող եմ իմ ներողությունը խնդրել, սակայն պարզ է, որ նման բաները մենք չենք որոշում»,- ասաց նա:

Մոսկվայից բլոգեր, լրագրող Անտոն Նոսիկը նշեց, որ առաջին անգամ է Արցախում, չնայած, որ միշտ ցանկացել է այցելել: «Շատ մարդիկ կան, որ պատկերացումներ չունեն հակամարտության վերաբերյալ, իսկ այժմ այստեղ են և դա նրանց ներկայացվում է: Ինձ շատ հետաքրքիր է և իմ ընթերցողներին նույնպես կհետաքրքրի այն, թե ինչ եմ ես այստեղ տեսել»,- ընդգծեց նա:

Բլոգեր Անտոն Մերկուրովը ուրախություն հայտնեց ԱՀ-ում գտնվելու համար: «Ինձ համար շատ կարևոր այցելություն է, քանի որ մի կողմից ես այստեղ չեմ եղել, մյուս կողմից ինձ համար հնարավորություն է աշխարհին տեղեկացնելու թե ինչ է այստեղ կատարվում: Արցախը զարմացնում է իր մաքրությամբ: Կարծում եմ այն ունի մեծ զբոսաշրջային պոտենցիալ: Հաճելի է այցելել Արցախ»,-ասաց նա:

Մեդիափորձագետ Սամվել Մարտիրոսյանն իր հերթին նշեց, որ համաժողովի դրդապատճառը հանդիսացել է Լապշինի արտահանձնումը: «Նպատակները շատ են` Արցախն ավելի տեսանելի դարձնել, ճանաչելի դարձնել սոցիալական մեդիաների միջոցով, կապեր ստեղծել»,- ասաց նա:

Նրա խոսքով` մարտի 19-ին Արցախի Թումո կենտրոն այցելությունից բլոգերները շատ էին տպավորվել երեխաների անմիջականությունից: Նրանց նաև տպավորել էր խաղաղություն ունենալու երեխաների շատ մեծ ցանկությունը:

loading...
Երևանի ավագանու ընտրություններին հավատարմագրվել են 17 տեղական ՀԿ-ի 5 138 դիտորդ և 32 ԶԼՄ-ի 436 ներկայացուցիչ Առաջիկա 5 օրվա եղանակի կանխատեսում Թաթուլ Կրպեյանի անվան զբոսայգում բացվեց ազգային հերոսի կիսանդրին Հակարիի հովտում հայտնաբերվել է ժայռափոր «Եղեգնու ձորի ճգնավոր» եկեղեցին Վարդանյան եղբայրները հաղթեցին «Փառքի րոպե» մրցույթի սուպերեզրափակիչում Մանչեսթեր Յունայթեդը ոչ-ոքի խաղաց Սուոնսիի հետ (տեսանյութ) Apple-ն անվարորդ ավտոմեքենաների փորձարկումներ Է սկսել Հայաստանի համախառն միջազգային պահուստները ավելացել են շուրջ 10 մլն դոլարով Apple-ն «անսպառ» մարտկոց Է ստեղծել iPhone-ի համար Հայաստանում առևտրային բանկերի կողմից տրամադրվող վարկերի ծավալներն ավելացել են 17 մլրդ դրամով Չինաստանն արտաքսել է լրտեսության մեջ մեղադրվող ԱՄՆ քաղաքացուն Կիպրոսի Պաֆոս քաղաքում կբացվի Հայոց ցեղասպանությանը նվիրված զբոսայգի Միշել Օբաման բացատրել է Թրամփի երդմնակալության ժամանակ դժգոհ հայացքի պատճառը Թուրքմենստանի նախագահը հաղթել է Թուրքմեն ձիարշավորդի օրվան նվիրված ձիարշավում Սիլվիո Բեռլուսկոնին ընկել է ու վնասել գլուխը Լը Պենը Դյուպոն-Էնյանին խոստացել է վարչապետի պաշտոնը Հռոմի պապը Կահիրեում կոչ է արել մուսուլման առաջնորդներին միավորվել ընդդեմ իսլամիստ զինյալների Ֆրանսիան հորդորել է ԿԺԴՀ-ին հրաժարվել միջուկային զենքի ստեղծման ծրագրից Լողի Հայաստանի առաջնությունում նոր ռեկորդ է սահմանվել Ֆելաինին որակազրկվել է 3 խաղով Թուրքիայում արգելափակվել է Wikipedia-ի հասանելիությունը Խորհրդային միության մարշալ Դմիտրի Յազովին հոսպիտալացրել են
Այսօր Այս շաբաթ Այս ամիս
website by Sargssyan