Երևան, 22.Փետրվար.2018,
--
:
--
,

Գառնիկ Իսագուլյան. «Կուսակցություններն իրենց խոստումները կատարելու ռեսուրսն ու հնարավորությունը չունեն»


Հայերի հոգեբանությունն ու Հայաստանում քաղաքականությանը վերաբերող հարցումների իրականացման «ավանդական» մեթոդները հաշվի առնելով «Ազգային անվտանգություն» կուսակցության նախագահ Գառնիկ Իսագուլյանը սոցիոլոգիական հարցումներին առանձնապես չի վստահում: Նրա կարծիքով մարդիկ շատ հաճախ նման դեպքերում այն չեն ասում, ինչ մտածում են:

«Քարոզարշավի նախնական փուլում միշտ էլ ընդդիմադիրները առավելություն ունենում են, բայց քարոզարշավի ընթացքում պատկերը կարող է կտրուկ փոխվել: Ես ավելի շատ հետևում եմ թե հասարակությունն ինչպես է ընկալում ներկայացված ծրագրերը և վստահում եմ իմ ներքին զգացողությանը»,– ասաց Գ. Իսագուլյանը:

Ծրագրերից բացի նա նաև կուսակցությունների ու դաշինքների քարոզչական հոլովակներին է ծանոթանում, սակայն բովանդակային առումով դրանք առանձնապես չի վերլուծում: Փոխարենը Իսագուլյանն արդեն ուսումնասիրել ու համեմատել է երկրի առջև ծառացած խորքային խնդիրների լուծմանը վերաբերող կուսակցությունների ու դաշինքների ներկայացրած նախընտրական ծրագրերը: Դրանց համեմատության արդյունքում «Ազգային անվտանգություն» կուսակցության ղեկավարը հանգել է այն եզրակացության, որ ՀԱԿ, ՀՅԴ, ՀՀԿ կուսակցությունները, «Ելք» դաշինքը իրենց նախըտրական ծրագրերում շատ հստակ ներկայացրել են, երկրի թե՛ արտաքին և թե՛ ներքին խնդիրների լուծման իրենց մոտեցումներն ու տեսակետները: Որոշ կուսակցություններ էլ շատ հարցերի վերաբերյալ կամ հստակ դիրքորոշում չեն ներկայացրել, կամ դրանք ընդհանրապես չկան:

«Ինձ ավելի շատ հետաքրքրում է, թե կուսակցությունների ծրագրերը իրատեսակա՞ն են, թե պոպուլիստական: «Ազատ դեմոկրատներից» ես շատ լավ ճանաչում եմ Հրանտ Բագրատյանին: Որպես այդ կուսակցության թեկնածու նա կարող է և ծրագիր չներկայացնել, քանի որ նա որպես վարչապետի թեկնածու բանիմաց մասնագետ է: Ժամանակը ցույց է տվել, որ նրա նման տնտեսություն իմացող չկա: Ինձ համար ընկալելի են նաև կոմունիստների մոտեցումները, թեև դժվար է ասել, թե ինչպես պետք է նրանք հասնեն նախկին հաջողություններին: «Ծառուկյան» դաշինքը քաղաքական հայտ է ներկայացրել իշխանությունը վերցնելու, բայց որևէ մեկը չգիտի, թե ամենակարևոր՝ Արցախի հարցի մասին իրենց տեսակետը որն է: «ՕՐՕ» դաշինքում շատ ուժեղ անհատականություններ կան, բայց արցախյան խնդրի վերաբերյալ ներկայացված մոտեցումները հստակ չեն»,– ասում է Գ. Իսագուլյանը:

Քաղաքական գործչի համար կարևորը Արցախի Հանրապետության խնդիրներն են և իր համար հասկանալի չէ, թե «ՕՐՕ»–ի ծրագրով Արցախի հարցի լուծման «միակողմանի զիջումներ» ասվածն ինչին են վերաբերում: ՀՎԿ–ի նախընտրական ծրագրում նույնպես Իսագուլյանի համար անընկալելի հարցեր կան, սակայն լավ իմանալով արցախյան հարցի մասին Արթուր Բաղդասարյանի մոտեցումները, ընդհանուր առմամբ կարողանում է պատկերացում կազմել, թե իր համար այդ առանցքային հարցի վերաբերյալ կուսակցությունն ինչ մոտեցումներ կարող է ունենալ:

«Առաջիկայում ես կհայտարարեմ, որ ակտիվ պաշտպանելու եմ Հանրապետական կուսակցությանը: Ես իհարկե բանակցություններ եմ ունեցել Ծառուկյանի հետ: Չեմ թաքցնում, որ հանդիպել եմ նաև Հայաստանի և Արցախի հանրապետությունների նախագահների հետ: Հանդիպել եմ նաև բոլոր կուսակցությունների ղեկավարների հետ: Եվ բազմիցս հայտարարել եմ նաև, որ որևէ մեկի հանդեպ հակակրանք չունենալով հանդերձ, չեմ ընդունում երբ մարդիկ, որ այն, ինչի մասին այսօր խոսում են, դրա ռեսուրսն ու հնարավորությունը չունենալու պատճառով չեն կարողանալու դա անել: Եվ իրենց անձնական խնդիրները լուծելու համար պոպուլիստական հայտարարություններ են անում, որը ես չեմ ընդունում: Այս պարագայում ինձ համար նախընտրելի կուսակցությունը Հանրապետականն է, քանի որ գիտենք, թե շատ հարցերի վերաբերյալ իրենք ինչպիսի հստակ դիրքորոշում ունեն: Բացի այդ՝ կարևոր է, որ ՀՀԿ–ն անկեղծորեն գնում է լուրջ փոփոխությունների»,– ասաց Գ. Իսագուլյանը:

Ինչ վերաբերում է արցախյան հարցին, ապա «Ազգային անվտանգություն» կուսակցության ղեկավարի կարծիքով այդ հարցը վաղուց լուծված է, քանի որ դե ֆակտո այն վաղուց ճանաչված երկիր է, իսկ դե յուրե էլ՝ մի օր կճանաչվի, բայց Հայաստանում պետք է տնտեսական խնդիրներն այնպես լուծել, որ Արցախի հարցում նոր խնդիրներ չառաջանան:


Արմինե Գրիգորյան

loading...
Արցախի նախագահը հետմահու պարգևատրել է զոհված զինծառայողին Հայաստանն Իրաքի հետ կրկնակի հարկումը բացառող համաձայնագիր է նախաստորագրել Արծվիկ Մինասյանն անդրադարձավ Ախթալայի ԼՀԿ-ի պոչամբարի նյութերի՝ գետը թափվելու հարցին Իվետա Տոնոյանը վստահեցնում է՝ Գագիկ Ծառուկյանը իրեն որևէ պաշտոնից չի հեռացրել Փայլանը Պոլսո Հայոց պատրիարքի ընտրության հարցով դիմել է Թուրքիայի ներքին գործերի նախարարին Պատերազմ Ռուսաստանի դեմ, դեռևս՝ տնտեսական. սառը պատերազմի նոր փուլ կսկսվի՞ «Քարերի սիմֆոնիա»-ի տարածքում փայտից տաղավար է կառուցվում. բնապահպանները դեպքի վայրում են ԱԺ-ում մեկնարկել են սումգայիթյան ջարդերի վերաբերյալ խորհրդարանական լսումները. ՈՒՂԻՂ Հունվարը տնտեսական ցուցանիշների աճի ամիս 2017–ին Ռուսաստանում դատվել է 590 տեռորիստ և 691 էքստրեմիստ Բժիշկները ողջունում են դեղերը դեղատոմոսով գնելու ԱՆ գաղափարը, սակայն որոշ հարցերի շտկման անհրաժեշտություն են տեսնում Սերժ Սարգսյանը շնորհավորել է ՀՀ ժողովրդական արտիստ Արտավազդ Փելեշյանին հոբելյանի առթիվ Վարուժան Հոկտանյան. «Չեմ կարծում, որ բյուջեն վատնելը իրավագիտակցության պակասի հետևանք է» Վերջին խոսքը Սերժ Սարգսյանինն է. սպասողական իրավիճակ՝ քաղաքական դաշտում Առանց կրակ ծուխ չի լինում. Սյունիքի մարզպետի մասին ՀՀ նախագահին ուղղված նամակի հետքերով ՀՀԿ–ի լռությունը ինտրիգ պահելու համար է Արմեն Սարգսյանը հայտարարել է, որ պատրաստ է փաստաթղթեր հրապարակել. նախագահի թեկնածուն կփարատի՞ կասկածները Բանանը թանկացել է 44%–ով. սուպերմարկետներում այն վաճառվում է 800 դրամով Գյումրու քաղաքապետը ստացել է Հռոմի Սրբազան Քահանայապետի օրհնության գիրը Հայ դատի Եվրոպայի գրասենյակը Գասպար Կարապետյանի դեմ Ադրբեջանի կողմից Ինտերպոլ ներկայացրած դիմումն անհեթեթ է համարում Լեգանես-Ռեալ Մադրիդ. ուղիղ հեռարձակում ԱՄՆ-ն անում է ամեն բան ԼՂ հակամարտության խաղաղ կարգավորման համար. դեսպան Թմրամիջոցի ապօրինի շրջանառության դեպքով բերման են ենթարկվել երեք օտարերկրացի
Այսօր Այս շաբաթ Այս ամիս
website by Sargssyan