Երևան, 21.Սեպտեմբեր.2017,
--
:
--
,

Երդվյալ ազատամարտիկները սատարելու են ՀՀԿ-ին (ֆոտոշարք)

 

Այսօր Կառավարության Մելիք Ադամյան փողոցի վրա գտնվող դահլիճում տեղի ունեցավ «Երդվյալ ազատամարտիկների միության» 5-րդ արտահերթ նիստը: Համագումարին մասնակցում էր Պաշտպանության նախարար Վիգեն Սարգսյանը:

ԵԱՄ նախագահ Ռուբեն Գևորգյանը նիստին հայտարարեց, որ իրենք այս խորհրդարանական ընտրություններին սատարելու են Հանրապետական կուսակցությանը:

«Ապրիլի 2-ին կայանալիք ընտրություններում ԵԱՄ-ն սատարելու է ՀՀԿ-ին՝ հաշվի առնելով, որ այդ քաղաքական ուժի ծրագիրը ունի հուսալի քաղաքական հիմք: Կոչ ենք անում իշխանություններին ընտրությունների ժամանակ ցուցաբերել բարձր կամքի դրսևորում և մեծ պատասխանատվությամբ հետևել երկրում ընթացող խորհրդարանական ընտրություններին»,- հայտարարեց նա:

Ռուբեն Գևորգյանը ներկաներին կոչ արեց իրենց բարեկամներին հորդորել առաջիկա ընտրություններին Արաբկիր, Դավիթաշեն և Աջափնյակ ընտրատարածքում, քվեարկել իր եղբոր՝ Սամվել Գևորգյանի որդու՝ Արթուր Գևորգյանի օգտին:

«Հայրենիքի համար պայքարելն ու մեռնելը ապրելու զգացմունք է, և նման կյանքով ապրեցին իրենց կյանքը հայրենի Արցախին և երկրի սահմաններին իրենց կյանքը նվիրաբերած մեր ընկերները: Ազատամարտիկ եղբայրները հայ ժողովրդի կյանքով և հայրենիքի ճակատագրով ապրածներն են, որոնք իրենց ապրածի հաղթական ոգու գոյությամբ սերունդների մեջ կերտել են ազգային ճակատագրի մի դրսևորում, որը վեհացրել է նույնիսկ ամենագետնամած ժամանակը:

Այսօր ամենակարևոր խնդիրը Արցախի անկախության և հայրենիքի սահմանների պաշտպանության խնդիրն է, որն իր բնույթով արյան խնդիր է, և երկրում տիրող ամենադժվարին կացությունն էլ չպետք է պատճառ դառնա շեղվելու արյան այդ գիտակցությունից: Այսօր մեր երկրի ամենահուսալի ուժը մենք պիտի լինենք՝ մեր հավաքականությամբ, ազատամարտիկի անկոտրում ոգով և մեր մարտունակ բանակով: Ազգ-բանակ ունենալու գաղափարի կարևորագույն գործոններից է ազատամարտիկների համախմբման խնդիրը, որն իր կարևորագույն դերն ունի մեր հասարակության մեջ: Ցավոք այս նախընտրական ժամանակահատվածում կուսակցությունների կողմից սկսված ազատամարտիկների որսը իր բնույթով քայքայիչ և պառակտիչ երևույթ է հայրենասիրական դաշտում, որն էլ արդեն իսկ վտանգ է ներկայացնում այդ սուրբ գաղափարը կյանքի կոչելու համար»,- ասաց Ռուբեն Գևորգյանը:

Պաշտպանության նախարար Վիգեն Սարգսյանն էլ շնորհավորելով գարնան գալստյան առթիվ՝ նշեց, որ իրենց հավաքական իմաստնության շնորհիվ այն կդառնա ոչ միայն բնության զարթոնքի, այլև խորհրդարանական ընտրությունների արդյունքում առաջիկա 5 տարիներին հայոց պետականության հիմքերի հետագա ամրապնդման նոր ուղեծրի սկիզբ:

Գեներալ-մայոր, Արցախի հերոս Արկադի Տեր-Թադեվոսյանն էլ նշեց, որ իրենք այսօր հավաքվել են հաստատելու, որ այն ծանր, բայց պատվավոր Աստծո խաչը, որ իրենց վրա է, իրենք կրկին պատարստ ենք տանելու: «Ովքե՞ր ենք մենք: Մենք մեր ժողովրդի մասնիկն ենք, որ ծանր ժամանակներում կարողացանք պահպանել մեր անկախությունը և ստեղծել մեր պետությունը: Մենք անցյալի և ապագայի կապող օղակն ենք: Մենք այսօր ծառայող տղաների պապիկներն ենք, հայրերը, մենք այն տղաների հայրերն ենք, ովքեր ՀՀ ԶՈՒ-ում ղեկավար պաշտոններ են զբաղեցնում»,- հավելեց նա:

 

ՔՐԻՍՏԻՆԱ ՏԵՐ-ՄԱԹԵՎՈՍՅԱՆ

Լուսանկարները` հեղինակի

loading...
Գերմանիայում բացվել է ալիևների ընտանիքի հերթական կոռուպցիոն գործը. Süddeutsche Zeitung Արոնյանը հաղթեց Մաքսիմ Վաշյե-Լագրավին Անկախության տոնի առթիվ Նախագահի նստավայրում տեղի է ունեցել պարգևատրման հանդիսավոր արարողություն Մեքսիկայի երկրաշարժից տուժածների մեջ ՀՀ քաղաքացիներ չկան. ԱԳՆ Հայկական արդարադատության բացը, կամ կրկին 3000 եվրո կվճարենք Եթե նպատակը տարածքի իրացումը լիներ, «Ֆիրդուսի» շուկայի ապամոնտաժման հաջորդ օրը կսկսվեր բնակիչների հետ բանակցությունը... Դեբեդցիները ծայրահեղ քայլերի կդիմեն, եթե մարզպետի խորհրդականը ներդրումներ չկատարի Հայաստան–Թուրքիա՝ ով ում է ավելի շատ պետք Ոստիկանական ակցիա. բացառիկ ու անվրեպ Խավարումից` արարում Արամ Ա–ի շուրթերով, կամ ո՞վ է Սփյուռքի` վարչապետի թեկնածուն Արտաքին ուժերի հանդեպ թուլությունը հանգեցնում է ներազգային ագրեսիվության ԼՂ հարակից 7 շրջաններից ցանկացածի հանձնումը հանգեցնելու է շփման գծի կոնֆիգուրացիայի աղետալի վատթարացման Մարդասպանները Այրում–Ջիլիզա մաքսակետով փախել են Վրաստան Սեպտեմբերի 21 Հայաստանում օդի ջերմաստիճանը կնվազի 3-4 աստիճանով Արտերկրում հանդես եկող 16 ֆուտբոլիստներ հրավիրվել են ազգային հավաքական Արկադի Անդրեասյանը որակազրկվել է 2 տարով Սիրտս կոտրված է. Ջեքի Սփայերը և ԱՄՆ մյուս կոնգրեսականներն այցելել են Ծիծեռնակաբերդ Հայկական վարորդական իրավունքների հարցը կլուծվի մոտ ժամանակներս. դեսպան Վոլինկին «Արփի լիճ» և «Ջավախեթի» ազգային պարկերի բացումը կնպաստի ՀՀ-ում զբոսաշրջության զարգացմանը Միասնաբար ամրապնդել Հայաստան-Արցախ-Սփյուռք եռամիասնությունը. համահայկական համաժողովի հայտարարությունը Աղիքային վարակիչ հիվանդության դեպքեր Գորիսում. պատճառը աշակերտներին տրված սննդամթերքի աղտոտումն է Բրյուսելը կարող է զրկվել Եվրոպայի ֆուտբոլի առաջնության խաղերը հյուրընկալելուց «Շիրակ»-ը կունենա նաև բասկետբոլի թիմեր
Այսօր Այս շաբաթ Այս ամիս
website by Sargssyan