Երևան, 20.Հունիս.2018,
--
:
--
,

Գագիկ Աղաջանյան. «Մարդը պետք է աննորմալ լինի, որ սառնարանային բեռնախցիկով պաստառի տեղափոխման ուղեկցող փաստաթուղթ ձևակերպի»


Երկաթուղային տրանսպորտի մրցակցության մակարդակի բարձրացման նպատակով «Հարավկովկասյան երկաթուղին» հայտարարեց, որ իջել են Կավկազ–Փոթի միջազգային երկաթուղալաստանավային ճանապարհով բեռների փոխադրման սակագները: Դա հնարավոր է դարձել երկաթուղային ընկերության կողմից լաստանավի վրա տեղերի գնման և միջազգային գործընկերների հետ նոր գնային քաղաքականություն մշակելու շնորհիվ:
Նախկինում լաստանավով ցանկացած տեսակի բեռի մեկ վագոնի փոխադրման սակագինը կազմում էր 5 հազար դոլար, սակայն նոր սակագներով դեպի Հայաստան և Հայաստանից մեկ վագոնի լաստանավով փոխադրման սակագինը կնվազի միջինը՝ 2 հազար դոլարով: Ու չնայած զեղչերը տարբերակված են, բայց բեռների որոշ տեսակների համար փոխադրման սակագները կարող են նվազել 80%–ով:

«Առաջարկվող զեղչերը թույլ կտան նաև կրճատել ապրանքների վերջնական արժեքը, ինչը ձեռնտու է և հայկական սպառողներին, և տեղական արտադրողներին:
Զեղչերը կիրառվելու են ոչ միայն Ռուսաստանից Հայաստան իրականացվող բեռնափոխադրումների, այլև Հայաստանի տարածքով Ռուսաստանից Իրան, ԱՊՀ երկրներից Ռուսաստանի տարածքով Հայաստան եկող բեռների համար»,– ասված է «Հարավկովկասյան երկաթուղի» ընկերության հաղորդագրությունում:

«Ապավեն» միջազգային բեռնափոխադրող ընկերության տնօրեն Գագիկ Աղաջանյանը «Փաստի» հետ զրույցում նշեց, որ բեռնափոխադրող ընկերությունները նույնպես վերանայել են իրենց ծառայությունների սակագները և նախկինի համեմատ դրանք զգալիորեն նվազել են:

«Ընդամենը երկու տարի առաջ մեկ ավտոմեքենայով բեռի փոխադրման գինը Երևանից Մոսկվա կազմում էր մոտ 4500 դոլար: Հիմա այդ գինը նվազել է մինչև 3000 դոլար: Այսինքն 33%–ով գները նվազել են: Հիմա բեռնափոխադրողները սկսել են մի քանի հարյուր դոլարի տարբերությամբ նույն ծառայությունները մատուցել, ինչը թեև սկզբունքորեն չի կարող ազդել փոխադրվող ապրանքի արժեքի վրա, բայց տնտեսվարողները նույնիսկ դա են հաշվի առնում: Սա մրցակցություն է և լավ է, որ այնպիսի կազմակերպություն ինչպիսին «Հարավկովկասյան երկաթուղին» է, բեռնափոխադրումների շուկայում իր տեղն է ուզում զբաղեցնել և մրցակցության մեջ է մտնում: Եվ պետք չէ մոռանալ, որ չնայած ցանկացած երկրում երկաթուղային ընկերությունները դոտացիայով են աշխատում, բայց դրանք շատ կարևոր ռազմավարական նշանակություն ունեն: Բացի այդ, երկաթուղին էկոլոգիական տեսանկյունից նույնպես ձեռնտու փոխադրամիջոց է համարվում ողջ աշխարհում»,–  ասաց Գ.  Աղաջանյանը:

Հարցին՝ իսկ ինչպես է պատահում, որ տնտեսվարողները օրինակ՝ պաստառի անվան տակ կարողանում են թռչնամիս տեղափոխել «Ապավենի» տնօրենն ասաց, որ բեռների փոխադրումը ողջ աշխարհում իրականացվում է տվյալ երկրում բեռը կապարակնքելու և համապատասխան ուղեկցող փաստաթղթով այն տեղափոխելու միջոցով: Այլ վերահսկողական մեխանիզմ չկա, բայց եթե մաքսավորները անբարեխիղճ գտնվեն, ապա կարող են տվյալ բեռի համար բոլորովին այլ ուղեկցող փաստաթուղթ ձևակերպել, իսկ ստացվող երկրում էլ աչք փակել դրա վրա:

«Եթե տվյալ երկրի մաքսավորն անբարեխիղճ է, ապա կարող է աչք փակել այդ ամենի վրա, իսկ միջանկյալ երկրների մաքսավորների համար, որտեղով անցնում է տվյալ բեռը, բոլորովին հետաքրքիր չէ, թե իրականում ինչ ապրանք է տեղափոխվում: Այլ հարց է, երբ բացահայտ սխալներ են լինում: Այդ ժամանակ արդեն տարանցիկ երկրում կարող են բացել և լրացուցիչ ստուգման ենթարկել տվյալ բեռը»,–  ասում է Գ. Աղաջանյանը:
Ըներության տնօրենի խոսքով որևէ բեռնափոխադրող ընկերություն չի կարող նման ռիսկի գնալ: Բացի այդ, եթե թռչնամիսը սառնարանային բեռնախցիկներով է տեղափոխվում, իսկ պաստառը՝ ոչ, ուստի մարդը պետք է աննորմալ լինի, որպեսզի սառնարանային բեռնախցիկով պաստառի տեղափոխման ուղեկցող փաստաթուղթ ձևակերպի:
«Այսինքն, միայն դա արդեն կարող է կասկած հարուցել և նման փոխադրում իրականացնելը այդքան էլ հեշտ բան չէ և բավականին մեծ ռիսկեր է պարունակում»,– ասաց Գ. Աղաջանյանը:


Արմինե Գրիգորյան

loading...
Զենքի սպառնալիքով մարդուն առևանգելու համար քաղաքացին ներգրավվել է որպես մեղադրյալ Լոնդոնի «Արսենալ»-ը նոր դարպասապահ ունի Ուղիղ միացում ԱԺ-ից Բելգիայում ալմաստների ողորկման հեղաշրջիչ տեխնոլոգիա են ստեղծել Թրամփը Չինաստանին սպառնացել Է մաքսերի հերթական ընդգրկուն բարձրացմամբ Սպիտակ տունը հավաստեց, որ ԱՄՆ-ի եւ Հարավային Կորեայի համատեղ զորավարժությունները կդադարեցվեն Արցախ մուտքի արտոնագիր ստանալու համար օտարերկրացի զույգն ԱԳՆ է դիմել հարսանեկան զգեստով Թուրքիայի նախագահի ընդդիմադիր թեկնածուն Էրդողանին հեռուստաբանավեճի է հրավիրել Պենդերեցկու հոբելյանական փառատոնին հրավիրված են հայ բարձրաստիճան այրեր ու երաժշտական ոլորտի ներկայացուցիչներ ԱՄՆ-ի Սենատն ընդունեց Պենտագոնի՝ 716 միլարդ դոլարի բյուջեի նախագիծը ՀՀ գլխավոր հարկադիր կատարողը հանդիպել է ծառայության ղեկավար կազմի հետ Ճապոնիայում տասնյակ հետցնցումներ են տեղի ունեցել ուժգին երկրաշարժից հետո Ոստիկանությունը Մանվել Գրիգորյանի գործով նոր բացահայտում է արել. տեսանյութ Թուրքիան չի հրաժարվի ռուսական C-400 զենիթահրթիռային համակարգերի գնումից. Չավուշօղլու Կիմ Չեն Ընը ժամանել Է Պեկին Մանվել Գրիգորյանը ԱԱԾ աշխատակիցների կողմից հայտնաբերված ապրանքների հետ որևէ առնչություն չունի. պաշտպան Աստանայում բացվել Է ԱՊՀ-ի գիտական ու ստեղծագործական մտավորականության համաժողովը Հայ համայնքը ցանկանում է պատրիարք ընտրել. Փայլանն ամոթալի է համարում Թուրքիայի իշխանությունների միջամտությունը գործընթացին Մանվել Գրիգորյանի քրեական գործով այլ կասկածյալներ ևս կան. Արթուր Դավթյան 77 կողմ, 3 դեմ. ԱԺ-ն հավանություն տվեց Մանվել Գրիգորյանին ազատությունից զրկելու միջնորդությանը ՊՆ զորամասի հրամանատարին մեղադրանք է առաջադրվել շորթմամբ կաշառք ստանալու համար Հակառակորդն Արցախի ՊԲ սահմանային դիտարկում իրականացնող անօդաչու թռչող սարք է խոցել Ասկերանի շրջանի վարչակազմի ղեկավարն ազատվել է. պաշտոնում նշանակվել է Գեղամ Բեգլարյանը
Այսօր Այս շաբաթ Այս ամիս
website by Sargssyan