Ереван, 24.Июнь.2019,
--
:
--
,

Սրանք քաղաքական նշանակություն ունեցող պատերազմներ են, և այդ քաղաքական գործոնը պետք է աշխատի Ադրբեջանի դեմ


Մեր հյուրն է ռազմավարական և ազգային հետազոտությունների հայկական կենտրոնի ղեկավար Մանվել Սարգսյանը

– Անդրադառնալով շփման գծում տեղի ունեցած վերջին դեպքերին` ՆԱՏՕ–ի և ՄԱԿ–ի գլխավոր քարտուղարները դատապարտել են այն և ընդգծել, որ խնդիրը ռազմական լուծում չունի: Կարելի՞ է ասել, որ գոնե այս պահին Արևմուտքը Բաքվին զրկում է զենք կիրառելու իրավունքից:

– Միանշանակ, որովհետև այդ հայտարարություններն արվել են կոնկրետ իրադարձությունների վերաբերյալ: Իսկ այդ իրադարձությունների էությունն այն է, որ Ադրբեջանը կոնկրետ փորձ է կատարել և պատժվել է: Եվ այդ պատժվելու ֆոնին Ադրբեջանին ասում են, որ իր գործողությունները սխալ են, և հարցի ռազմական լուծում չկա:

– Ուշագրավ էր Թուրքիայի արձագանքը: Թուրքիան նման ձևով արձագանքել էր անցած տարվա ապրիլից հետո: Արդյո՞ք սա նշանակում է, որ Թուրքիան փորձում է ակտիվ ներգրավվել հակամարտության պրոցեսին, և դա ի՞նչ հետևանքներ կարող է ունենալ:

– Երկար ժամանակ փորձելով Ռուսաստանի հետ նոր հարաբերություններ ստեղծել` Թուրքիան զերծ էր մնում Ղարաբաղի հարցով որևէ գնահատական տալուց: Ու հիմա կարելի է ասել, որ առաջին դեպքն է, երբ այդ երկիրը միակողմանի աջակցությունն է հայտնում Ադրբեջանին: Բայց նրա հայտարարության մեջ մի հետաքրքիր նրբերանգ է փոխվել: Թուրքիան շեշտը դնում է խաղաղ կարգավորման վրա: Ասում է` մենք Մինսկի խմբի անդամ ենք, և ցանկանում ենք ջանքեր գործադրել, որ խնդիրը լուծվի խաղաղ ճանապարհով, բայց, իհարկե, հօգուտ Ադրբեջանի: Ինչ–որ առումով Թուրքիայի այդ հայտարարությունը պատասխան էր Իրանի ԱԳՆ–ի այն հայտարարությանը, որով կողմերին զսպվածության կոչ էր արվում` պատրաստակամություն հայտնելով աշխատել Ադրբեջանի ու Հայաստանի հետ` խաղաղ կարգավորման ուղղությամբ:

– Էրդողանն ու Ալիևը պայմանավորվել են շուտափույթ հանդիպել: Բայց եթե Թուրքիան շեշտադրումը փոխում է` կողմ է խաղաղ կարգավորմանը, այդ դեպքում ի՞նչ զարգացումներ են հնարավոր:

– Հիմա Ալիևը չգիտի ինչ անել: Նրա ընտրած քաղաքականությունը, այսպես կոչված, ռազմական դիվանագիտությունը, շատ մեծ պրոբլեմներ է ստեղծել հենց պաշտոնական Բաքվի համար: Ալիևը փորձում է ռազմաքաղաքական ակցիաներով իր համար դիվանագիտական նպաստավոր վիճակ ստեղծել: Բայց չի հաջողում: Որպես պատասխան ստանում է ոչ հաճելի գնահատականներ և անընդհատ կրկնվող պահանջներ`կատարելու Վիեննայի պայմանավորվածությունները: Ադրբեջանին չի հաջողվում համոզել Մինսկի խմբի համանախագահող երկրներին հրաժարվելու այդ պահանջներից և որդեգրելու այլ մոտեցում: Ադրբեջանի թիկունքն անընդհատ եղել են Ռուսաստանը և Թուրքիան: Բայց վերջին շրջանում նրան չի հաջողվում Ռուսաստանին համոզել` առանձին, Մինսկի խմբից դուրս ադրբեջանամետ հայտարարություններ անել: Ուստի հիմա փորձարկում են Թուրքիայի տարբերակը:

– Մարտի սկզբին Էրդողանը մեկնելու է Մոսկվա: Հաշվի առնելով ռուս–թուրքական մերձեցումը` հնարավո՞ր են պայմանավորվածություններ ԼՂ հարցի շուրջ:

– Ոչ: Մինչ այս էլ ակնհայտ երևում էր, որ Թուրքիայի հետ հարաբերությունները խորացնելուն զուգահեռ Ռուսաստանը նրանից պահանջել է չմիջամտել ԼՂ հարցին: Ռուսաստանի համար շատ էական է, որ Ադրբեջանում ինքն ավելի մեծ ազդեցություն ունենա: Կարծում եմ` հիմա էլ նույնն է լինելու. փորձելու են ինչ–որ առևտրի գնալ, և Թուրքիան կզբաղվի իր գործերով, Ռուսաստանը` իր:

– Իսկ ռուսական կողմի դիրքորոշման այդ փոփոխությունն ինչո՞վ է պայմանավորված և արդյո՞ք Հայաստանը կարողանում է խաղարկել այդ խաղաթուղթը:

– Դա պայմանավորված է և՛ ռուս–թուրքական, և՛ Ռուսաստան–Արևմուտք հարաբերությունների տրամադրությամբ: Կարևոր էր այն հանգամանքը, որ ՀՀ արտգործնախարարի հետ հանդիպումից հետո ՌԴ արտգործնախարարն ընդգծեց, որ Մինսկի խումբն է միակ կառույցը, որի շրջանակներում ԼՂ հարցը պետք է լուծվի: Փաստորեն նորից պնդեց մի դիրքորոշում, որը Ադրբեջանին հաճելի չէ, քանի որ Բաքուն հակված է Ռուսաստանի հետ առանձին աշխատել այդ ուղղությամբ:

Իսկ Հայաստանի ռազմավարության թիվ մեկ խնդիրը պետք է լինի հետևյալը` Ադրբեջանին կարելի է զսպել միայն այն դեպքում, եթե վարել քաղաքականություն, որը կզսպի նրա ռազմական գործողությունները: Այսինքն` Ադրբեջանը չի կրակի միայն այն ժամանակ, երբ այդ կրակոցներն աշխատեն իր դեմ: Իրականում սրանք ամբողջովին քաղաքական նշանակություն ունեցող պատերազմներ են: Եվ այդ քաղաքական գործոնը պետք է աշխատի Ադրբեջանի դեմ: Արևմուտքի վերջին արձագանքը, ըստ էության, քաղաքական գնահատական է: Եվ դա հենց այն հանգամանքն է, որի ուղղությամբ պետք է աշխատել: Ադրբեջանի ամեն մի գործողություն պետք է բերի շատ ավելի կոշտ գնահատականների:

Դա կլինի Հայաստանի դիվանագիտության կամ վարվող քաղաքականության հաջողությունը:



Արփի Սահակյան

loading...
Депутат в шелках и миллиардных долгах Данные ЦАМТО ошибочны- у Армении есть “Искандер” и “БУК” Министр обороны доложил президенту о старте новой программы социальной помощи семьям погибших или ставших инвалидами военнослужащих Карен Карапетян подчеркнул важность проектов, направленных на качественные изменения в сфере ИТТ Саакашвили уходит с поста губернатора Одесской области, виной тому – Порошенко Телеканал «Россия»: Россия и Армения ведут честную игру КРОУ склонна к снижению тарифа на электроэнергию Республиканская партия Армении не пойдет на кардинальные изменения во внешней или внутренней политике Виталий Баласанян назначен секретарем Совбеза НКР Для необеспеченных слоев населения тариф на газ составил 100 драмов Обновление ОДКБ идет на пользу Армении Президент потребовал постоянного внимания к регулированию дорожного движения "Газпром Армения" представила основные цели и факторы изменения газовых тарифов Азербайджан применил на линии соприкосновения гранатометы Армения – единственная в мире страна, где «воров в законе» не сажают – российская пресса «Газпром Армения» обратится в КРОУ по вопросу о пересмотре газовых тарифов Азербайджан более 55 раз нарушил режим перемирия Новая книга о Карсе и необходимости переосмыслить идею независимости Первопрестольный Эчмиадзин хотел бы видеть на престоле Константинопольского патриарха епископа Саака Машаляна Российские и сирийские ПВО выдворили турок из воздушного пространства Сирии Китайский М20 не может стать реальным конкурентом «Искандера»: его качество сомнительно Согласится ли Гагик Царукян возглавить новую партию? Новое кадровое назначение: главу ГСБПП Армена Айрапетяна сменит Ишхан Карапетян В приграничном Кохбе освящена новая церковь Сурб Григор Лусаворич Тема карабахского урегулирования уже давно не обсуждается в ходе встреч президентов (видео)
Сегодня За неделю За месяц
website by Sargssyan