Երևան, 16.Դեկտեմբեր.2017,
--
:
--
,

Բանկերում ավանդներն ու վարկերը գրեթե հավասարվել են



Պարզվում է բանկերի խոշորացման գործընթացը հանգեցրել է կառուցվածքային մենաշնորհների, որը լրացուցիչ լարվածություն կարող է առաջացնել նույն այդ բանկերի համար: Տնտեսագետ Վիլեն Խաչատրյանն այն կապում է կա՛մ ավանդների, կա՛մ Հայաստանի միջազգային պահուստների աճի հետ:
«Ավանդների աճը միայն 2016 թ.–ին նախորդ տարվա համեմատությամբ գերազանցել է մոտ 462 մլրդ դրամը՝ կազմելով 2 տրիլիոն 413 միլիարդ դրամ: Իհարկե, այդտեղ և՛ արժութային, և՛ դրամային ավանդներն են, պարզապես հաշվարկները տարվում են դրամով: Եվ ինչ է ստացվում, որ ավանդներն աճում են շատ ավելի արագ, քան վարկերը և ստացվում է մի իրավիճակ, որ ավանդներն ընդհուպ մոտեցել են վարկերին»,– «Փաստի» հետ զրույցում ասաց Վ. Խաչատրյանը:

Այսինքն` ստացվում է, որ մեր տնտեսության մեջ ինչքան տրված վարկ կա, գրեթե նույնքան էլ ավանդ կա: Դա, ըստ Վ.Խաչատրյանի, տեղի ունեցավ բանկային համակարգի միավորման արդյունքում, քանի որ երբ բանկերի կապիտալին ներկայացվող պահանջները դարձավ 30 մլրդ դրամ, որոշ բանկեր ներգրավեցին նաև լրացուցիչ ֆինանսական միջոցներ: Ինչն էլ իր հերթին հանգեցրեց մեկ այլ ցուցանիշի՝ Հայաստանի միջազգային պահուստային միջոցների աճին, որը, տնտեսագետի կարծիքով, աննախադեպ կարելի է համարել:

«Հայաստանի միջազգային պահուստների աճը 2016 թ.–ի դեկտեմբերին կազմել է 450 մլն դոլար: Դա կարող էր տեղի ունենալ կա՛մ պահուստավորման նորմայից ելնելով համալրման, կա՛մ դոլարի ցածր փոխարժեքի հետևանքով»,– ասաց Վ. Խաչատրյանը:
«Տնտեսության առումով պահուստների աճը կարելի է դրական երևույթ համարել: Դրան կարող էր նպաստել նաև արտահանման գրեթե 20%–անոց աճը, որը ենթադրում է լրացուցիչ արտարժույթի ներհոսք դեպի Հայաստան: Իսկ ավանդների աննախադեպ աճը, որը մոտեցել է վարկերի ցուցանիշին, կարելի է բացասական համարել, քանի որ այն ստեղծել է ռիսկային իրավիճակ բանկային համակարգում»,– ասաց Վ. Խաչատրյանը:
Այն, որ մարդիկ չեն ցանկանում իրենց դրամական միջոցները տնտեսության մեջ ներդնել, փոխարենը գերադասում են այն բանկերում որպես ավանդ ձևակերպել, ունի իր օբյեկտիվ պատճառները: Դա խոսում է այն մասին, որ տնտեսության նկատմամբ վստահության բացակայություն կա, որը, սակայն, միակ պատճառը չէ:

«Եթե տարեկան կտրվածքով Հայաստանի տնտեսությունն աճում է ընդամենը 0,5%–ով, ապա բանկերում, օրինակ` արտարժույթով 6% ավանդի ձևով տեղաբաշխելով, ստացվում է 5,5% ավելի շատ արդյունք (արտարժույթով և դրամով ավանդների տոկոսադրույքները էականորեն տարբերվում են): Բացի այդ, մենք ունեցանք նաև դեֆլյացիոն տարի, այսինքն` 1,5%–ով սպառողական գների ինդեքսը նվազեց: Այսինքն՝ բանկային ավանդի իրական տոկոսադրույքին ավելացնելով 1,5%, ստացվում է, որ այն դառնում է 7,5%»,– ասաց Վ. Խաչատրյանը:

Ստացվում է, որ գումարները բանկերում որպես ավանդ ձևակերպելն ավելի ապահով ու շահեկան է, քան տնտեսության այս կամ այն ճյուղում ներդրում կատարելը, սակայն մյուս կողմից էլ ստացվում է, որ բանկերն են կանգնում վերցրած ավանդները շրջանառության մեջ դնելու խնդրի առջև: Կապիտալի կուտակումը բանկերում կարող է նոր խնդիրների առաջ կանգնեցնել բանկերին, կամ էլ ստիպել, որ նրանք իջեցնեն իրենց կողմից տրամադրվող վարկավորման գումարները:

Արմինե Գրիգորյան

loading...
Հայաստանը Լատվիայի կողմից Հայոց ցեղասպանության ճանաչում է ակնկալում. Շարմազանով Արարատի մարզում մասնագիտություն չունեցող անձինք կազմում են գործազուրկների թվաքանակի 64,7%–ը Ինչպե՞ս են համայնքներն ամփոփում գյուղատնտեսական տարին Զարթոնքի բնակիչները վարչապետի պատասխանին են սպասում Անհեթեթ է վախճանաբանական ըմբռնումները կապել Եվրոպայի հետ Տեսահոլովակի պրեմիերա. Հարութ Փամբուկչյան՝ «Իմ Կյանքը» Սոթք-Քարվաճառ ավտոճանապարհին մերկասառույց է Իրական քննարկո՞ւմ, թե կլոունադա Ազգային ժողովում Նախագահի ելույթը՝ նախընտրական PR Ինտրիգից այն կողմ. կարո՞ղ ենք հասնել մեկ շնչի հաշվով 10 հազար դոլար ՀՆԱ–ի Գարեգին Նժդեհ. «Մտավորականությունն է ազգի ճակատագրի դարբինը» Ռուբեն Եգանյան. «Այս տարի աշխատանքային միգրացիայի ծավալներն աճել են» Սենսացիոն ձերբակալություններ են սկսվել. ԱԱԾ–ն առայժմ այս մասին լռում է Մեզ վարկաբեկում են. թռչնակոմբինատի հիմնադիրը մեղադրում է ՍԱՊԾ–ին Իսպանիայի ֆուտբոլի հավաքականը աշխարհի առաջնությանը մասնակցելու իրավունքից զրկվելու վտանգի տակ է Երուսաղեմում բախումներ են տեղի ունեցել ցուցարարների և ոստիկանների միջև 14 միլիոն դոլար «տղերքին». Ջորջ Քլունիի անակնկալը ընկերներին Հաջորդ տարվանից գործարար շրջանակներին կներկայացվեն ԵՄ-ի հետ համաձայնագրից բխող հնարավորությունները Կյանքից հեռացել է գրականագետ Ֆելիքս Մելոյանը ԿԸՀ-ն մերժել է Զարուհի Փոստանջյանի դիմումը ՀՀ վարչապետ Կարեն Կարապետյանը պաշտոնական այցով ժամանել է Արցախի Հանրապետություն Ռուսական «Զվեզդա»-ի եթերում թուրք լրագրողը փորձել է հարձակվել հայ փորձագետների վրա Նախորդ տարիներին լավագույն մարզչի ընտրությունները սխալ են եղել. Ռուբեն Հայրապետյան
Այսօր Այս շաբաթ Այս ամիս
website by Sargssyan