Երևան, 22.Ապրիլ.2018,
--
:
--
,

Նարինե Թուխիկյան. «Քաղցած ես՝ ուղեղդ ահազանգում է, հոգևոր քաղց ունես՝ լռում է»



Երևանի Հովհ. Թումանյանի անվան թանգարանի տնօրեն Նարինե Թուխիկյանը «Փաստի» հետ զրուցեց հանրության կողմից մշակույթի ընկալման, հասարակության՝ մշակութային իրադարձություններին մասնակցելու պասիվության վերաբերյալ:

– Տիկին Թուխիկյան, այս օրերին կարծես թե մշակույթը ընդհանրապես կորել է մեր կյանքից: Քաղաքականությունը շատ արագ կարողանում է ուտել մշակույթը: Ինչո՞ւ է այդպես:

– Չեմ կարծում, թե քաղաքականությունը մշակույթն ուտում է: Մշակույթն իր հունով զարգանում ու ընթանում է՝ շատ դեպքերում ընդհատակյա, որովհետև յուրաքանչյուր արվեստի գործիչ իր գործն է անում՝ գրողն իր համար գրում է, նկարիչը՝ նկարում: Եթե խոսում ենք, որ հասարակական հնչեղություն շատ չի լինում, ապա հնչեղություն տալու համար պիտի արվեստագետներին և մշակութային գործիչներին օժանդակեն ԶԼՄ–ները: Ես կարծում եմ, որ դա շատ կարևոր բան է, որը չի արվում:

– Խնդիրն այդ դեպքում ոչ թե առաջիկա ընտրություններն են, այլ միայն չլուսաբանվե՞լը:

– Դե ընտրությունները հիմա են, բայց այս երևույթը նոր չէ: Երկար, տևական ժամանակ մշակույթի և արվեստի պրոպագանդային շատ ուշադրություն չի դարձվել, այն համարվել է երկրորդական, երրորդական տարր:

– Իսկ միգուցե՞ դա նրանից է, որ հասարակությունն այս շրջանում հենց ինքն է կտրվել մշակույթից:

– Անշուշտ: Մշակույթից կտրվածության որոշակի տարրեր կան: Դա հասարակության անդամների ընդհանուր տրամադրության, իրավիճակի, մթնոլորտի հետ է կապված: Ամեն մեկը տարված է իր կենցաղային հոգսերով: Եվ հետո ասեմ ձեզ, որ մշակույթը թանկ է: Հատկապես դրսից եկած երաժիշտների համերգները եթե դիտարկենք, ապա տոմսերը բավական թանկ են: Հասարակության այն անդամները, ովքեր շատ կուզենային ներկա լինել և կհասկանային այդ արվեստը, հիմնականում հնարավորություն չունեն մասնակից դառնալու կամ այն ըմբոշխնելու շատ պարզ պատճառով, քանի որ գումար չունեն:

– Բայց միևնույն ժամանակ մեր թատրոնների տոմսերն այդքան էլ թանկ չեն, անգամ երբեմն՝ բավական մատչելի: Չե՞ք կարծում, որ մարդուց էլ է կախված, թե նա իր ձեռքի 1000 դրամով թատրոնի տոմս կգնի, թե սրճարանում մեկ բաժակ սուրճ կխմի:

– Ընդհանուր առմամբ երկրում տիրող մթնոլորտը չի տրամադրում այդ ամենին: Ձեր ասած տենդենցը կա մեր հասարակության մեջ: Չի կարող չլինել, որովհետև մեր արժեհամակարգը շատ է փոխվել, դարձել ավելի որովայնային, որ չես էլ կարող մեղադրել, այդպես էլ պիտի լինի: Մեր այցելուների օրինակով ասեմ՝ շատ դեպքերում գների ճշտումից հետո մեծահասակների կողմից լսում ես, որ ասում են՝ ավելի լավ է գնանք կարուսել կամ այնպիսի մի տեղ, ուր բուտերբրոդներ կարող ենք ուտել:

– Արդյո՞ք մենք մշակութասեր ժողովուրդ չենք:

– Այն, ինչն ես ներկայացրեցի չնչին տոկոս է կազմում, բայց ամեն դեպքում կա հասարակության մեջ: Ցավալի է, բայց բուտերբրոդ ուտելը շատերի համար գերադասելի է թանգարան այցելելուց: Գուցե պատճառն այն է, որ մեծահասակները չեն պատկերացնում, թե ինչ մեծագույն հաճույք է լինել համերգասրահում կամ թանգարանում: Այսինքն՝ մշակութային քաղցի և իրական քաղցի միջև կա գիտակցության տարբերություն: Խնդիրն այն է, որ եթե դու քաղցած ես՝ որովայնդ դատարկ է, անմիջապես ուղեղդ այդ մասին ահազանգում է, բայց երբ դու հոգևոր քաղց ունես՝ ուղեղն այդ մասին, որպես կանոն, չի ահազանգում: Չես զգում դրա կարիքը և դառնում ես մի գորշ «երևույթ», որը մտածում է միայն բնազդային պահանջմունքները բավարարելու մասին:

– Ի՞նչ կարելի է անել սա փոփոխելու համար:

– Ճանապարհը միմիայն կրթությունն է՝ նախակրթարաններից, նախադպրոցական տարիքից, նախևառաջ՝ ընտանիքից սկսած: Մինչև չսովորեցնես երեխային գեղեցիկը կամ օրինակ չծառայես իբրև գեղեցիկի ջատագով, ոչինչ չի փոխվի:

ՔՐԻՍՏԻՆԱ ՏԵՐ–ՄԱԹԵՎՈՍՅԱՆ


loading...
Նիկոլ Փաշինյանը հայտարարել է Սերժ Սարգսյանի հետ հանդիպման մասին Հրավիրում եմ բոլոր կողմերին հավաքվել քննարկումների սեղանի շուրջ. Ազնավուրն արձագանքել է հայաստանյան իրադարձություններին Նախագահ Արմեն Սարգսյանը հանդիպել է վարչապետ Սերժ Սարգսյանի հետ. Tert.am Շառլիզ Թերոնն անճանաչելիորեն գիրացել Է ՄԱԿ-ի Անվտանգության խորհուրդը Շվեդիայում կայացած հանդիպմանը կենտրոնացել է Սիրիայի խնդրի վրա Հյուսիսային Կորեան հայտարարել է միջուկային փորձարկումները դադարեցնելու մասին Նիկարագուայում ցույցեր են ընթանում կենսաթոշակային բարեփոխումների դեմ Ալիևի օգնականն Ադրբեջանի վարչապետ է նշանակվել Ադրբեջանն ինտենսիվորեն խախտում է հրադադարի պահպանման ռեժիմը. նկատվում է զինտեխնիկայի ակտիվ տեղաշարժ Տիգրան Մանսուրյանը հորդորում է խնդիրը հարթել խոսքի ուժի միջոցով ԱԱԾ-ն տեսանյութ է հրապարակել նախապատրաստվող ահաբեկչությունների կանխման վերաբերյալ Նախագահը Հանրապետության հրապարակում է՝ ցուցարարների մոտ ԱՊՀ-ի երկրների գլխավոր շտաբները կհամագործակցեն անօդաչու ավիացիայի կիրառման գործում Ճապոնիան հատուկ վճար Է սահմանում երկրից մեկնումների համար ԱՄՆ-ում հայտարարել են «ուղղորդվող Էներգիայի» զենք ստեղծելու մասին Հարավային Կորեան եւ ԿԺԴՀ-ն կապի ուղիղ գիծ են բացել երկու երկրների ղեկավարների միջեւ Ստոլտենբերգը Հունաստանին եւ Թուրքիային առաջարկել Է վեճերը լուծել առանց ՆԱՏՕ-ի միջամտության Ամենացածրը կրթության և գիտության ոլորտի աշխատակիցների աշխատավարձերն են Անհրաժեշտ քաղաքական բանաձևերն ու այլ իրականության մեջ գտնվող իշխանությունը Ուսանողությանը կառավարելի դարձնելու ծրագիրը ձախողվում է. ուսխորհուրդներն ու բումերանգի էֆեկտը Գումար, հարսնացուի զգեստ, ծրագրավորման դասընթաց. ինչ են խոստանում ոստիկաններին ժողովրդի կողմն անցնելու համար Երկու Արամ Մանուկյան՝ Նալբանդյան փողոցում Արքայազն Չառլզին ընտրեցին Համագործակցության ապագա ղեկավար. Sky
Այսօր Այս շաբաթ Այս ամիս
website by Sargssyan