Երևան, 22.Ապրիլ.2018,
--
:
--
,

Թուրքիայի հայերը նամակ են հղել Ամենայն Հայոց Կաթողիկոսին

 

 Մայր Աթոռ Սուրբ Էջմիածնում Ամենայն Հայոց Կաթողիկոս Գարեգին Երկրորդի գլխավորությամբ կայանալիք Պոլսո պատրիարքական փոխանորդ Արամ արքեպիսկոպոս Աթեշյանի և Պոլսո պատրիարքարանի կրոնական ժողովը նախագահ Սահակ եպիսկոպոս Մաշալյանի հանդիպմանն ընդառաջ Թուրքիայի հայ համայնքի մի շարք ներկայացուցիչներ նամակով դիմել են Ամենայն Հայոց Կաթողիկոսին: Նամակը հրապարակել է «Ակոս»-ը:

«Ամբողջ ութ տարի Թուրքիայի Հայոց պատրիարքական աթոռը թափուր է: Եկեղեցու և համայնքի մի շարք ներկայացուցիչներ իրենց անհատական հաշիվների պատճառով հետաձգեցին ընտրությունը: Այս երևույթն ավելի քան հինգ հազար ստորագրություններ պարունակող նամակով հանձնել ենք Ձեր ուշադրությանը: Ափսոս, որ Մայր Աթոռից մինչ այժմ պատասխան չենք ստացել:

Անցած ութ տարիների ընթացքում բազմաթիվ բացասական դեպքեր են պատահել: Մեր ավանդության դեմ պետության ձեռքով նշանակված Արամ արքեպիսկոպոս Աթեշյան սրբազանը ժողովրդի կամքից անկախ և անպատասխանատու կերպով գործում է պատրիարքի իրավասությամբ: Առաջնորդի հատկությունից զուրկ Արամ Սրբազանը, դժբախտաբար, 1915թ-ի ցեղասպանության զոհերը անտեսած, խորը վերքեր է թողել այդ կսկիծը սրտի խորքերում զգացող և իրողությունն ընդմիշտ աղաղակողների հոգիներում: Մեր միակ մխիթարությունը մնում է տեսնել, թե ինչպես անձնատուր այս կեցվածքով հանդերձ Թուրքիայի զանազան քաղաքն երում կայանում են ապրիլ 24-յան հիշատակումներ: Պատրիարքարանը, որը խնդիրների լուծման վայր է, ինքը դարձել է խնդրահարույց: Հոգևորականները չեն հաջողում ճնշումներին դիմադրել և դառնում են գործված սխալներին մեղսակից: Որպես հետևանք հայ համայնքի կապն իր եկեղեցու նկատմամբ տկարացել է: Հովվից զուրկ եկեղեցու համայնքն օրըստօրե հալչում է: Ի վերջո` համբերության բաժակը հորդել է և մարդիկ սկսել են պատրիարքարանի դռան առջև բողոքի ցույցեր իրականացնել:

Վեհափառ Տե՛ր, բազում փորձանքներից հետո հասել ենք պատրիարքական ընտրությունների շեմին: Գիտենք, որ ոմանք այս հանգրվանում էլ պետք է փորձեն ընտրությունը խաթարել, բայց մենք վճռական ենք: Գիտակցում ենք, որ ընտրյալ պատրիարքը միայն եկեղեցու առաջնորդը չէ, այլև պետության դիմաց Թուրքիայի հայերի ներկայացուցիչը: Մեր եկեղեցու տարակարծության խնդրում (հոգ չէ թէ ուշացած) Ձեր հայրական միջամտությունը գոհունակությամբ ողջունում ենք: Մենք` Թուրքիայի հայերս որոշել ենք սեփական խնդիրները սեփական կամքով լուծել: Հանուն պատրիարքական ընտրության արդար ու թափանցիկ կայացման, խնդրում ենք, որ թելադրեք Արամ Սրբազանի հրաժարականը փոխանորդի պաշտոնից, ինչպես նաև եկեղեցու հոգևորականների կողմից իրենց ավանդական պարտականությունների կատարումից հետո ժողովրդի կամքի չեզոքությամբ ընդունելը: Եվս մեկ անգամ շեշտում ենք, որ ընտրում ենք ոչ թե եկեղեցական համայնքը գլխավորող մի հոգևորական, այլ ամբողջ հայ հասարակությունը պետության ու օրենքների առաջ ներկայացնող մի առաջնորդի: Մտահոգվելով ու խնդիրները լուծելու ջանքով մեզ խրախուսել եք

Որդիական Սիրով՝

Տիգրան Ալթուն

Նազարէթ Պինաթլը

Բժիշկ Աւետիս Տէմիր

Խոսրով Քէօլէդաւիթօղլու

Կարօ Քաբրիէլեան

Դալար Հիսարլը Հորոզօղլու

Լուիզ Ալաչամ

Տոքթ. Ադամ Սարգիս

Նաթալի Պըլտըրճըն

Արփինէ Չիզմէճիեան

Կարպիս Էվեափան

Հրաչեայ Սուրէն

Նուարդ Պաքըրճըօղլու

Էլիզապետ Փէյնիրճի

Սուզան Սուզի

Սարգիս Քիչիկ

Արէն Տատըր

եւ այլք»:

loading...
Նիկոլ Փաշինյանը հայտարարել է Սերժ Սարգսյանի հետ հանդիպման մասին Հրավիրում եմ բոլոր կողմերին հավաքվել քննարկումների սեղանի շուրջ. Ազնավուրն արձագանքել է հայաստանյան իրադարձություններին Նախագահ Արմեն Սարգսյանը հանդիպել է վարչապետ Սերժ Սարգսյանի հետ. Tert.am Շառլիզ Թերոնն անճանաչելիորեն գիրացել Է ՄԱԿ-ի Անվտանգության խորհուրդը Շվեդիայում կայացած հանդիպմանը կենտրոնացել է Սիրիայի խնդրի վրա Հյուսիսային Կորեան հայտարարել է միջուկային փորձարկումները դադարեցնելու մասին Նիկարագուայում ցույցեր են ընթանում կենսաթոշակային բարեփոխումների դեմ Ալիևի օգնականն Ադրբեջանի վարչապետ է նշանակվել Ադրբեջանն ինտենսիվորեն խախտում է հրադադարի պահպանման ռեժիմը. նկատվում է զինտեխնիկայի ակտիվ տեղաշարժ Տիգրան Մանսուրյանը հորդորում է խնդիրը հարթել խոսքի ուժի միջոցով ԱԱԾ-ն տեսանյութ է հրապարակել նախապատրաստվող ահաբեկչությունների կանխման վերաբերյալ Նախագահը Հանրապետության հրապարակում է՝ ցուցարարների մոտ ԱՊՀ-ի երկրների գլխավոր շտաբները կհամագործակցեն անօդաչու ավիացիայի կիրառման գործում Ճապոնիան հատուկ վճար Է սահմանում երկրից մեկնումների համար ԱՄՆ-ում հայտարարել են «ուղղորդվող Էներգիայի» զենք ստեղծելու մասին Հարավային Կորեան եւ ԿԺԴՀ-ն կապի ուղիղ գիծ են բացել երկու երկրների ղեկավարների միջեւ Ստոլտենբերգը Հունաստանին եւ Թուրքիային առաջարկել Է վեճերը լուծել առանց ՆԱՏՕ-ի միջամտության Ամենացածրը կրթության և գիտության ոլորտի աշխատակիցների աշխատավարձերն են Անհրաժեշտ քաղաքական բանաձևերն ու այլ իրականության մեջ գտնվող իշխանությունը Ուսանողությանը կառավարելի դարձնելու ծրագիրը ձախողվում է. ուսխորհուրդներն ու բումերանգի էֆեկտը Գումար, հարսնացուի զգեստ, ծրագրավորման դասընթաց. ինչ են խոստանում ոստիկաններին ժողովրդի կողմն անցնելու համար Երկու Արամ Մանուկյան՝ Նալբանդյան փողոցում Արքայազն Չառլզին ընտրեցին Համագործակցության ապագա ղեկավար. Sky
Այսօր Այս շաբաթ Այս ամիս
website by Sargssyan