Երևան, 21.Հուլիս.2017,
--
:
--
,

Արժեքային կոլապս




Օրերս, տեղեկություն տարածվեց այն մասին, որ Աֆղանստանից Գերմանիա տեղափոխված միգրանտը մեղադրվում է 19–ամյա ուսանողուհու բռնաբարության և սպանության մեջ: Սպանվածը պատահական մարդ չէր։ Նա Եվրահանձնաժողովի բարձր պաշտոնյա, իրավունքի դոկտոր Կլեմենս Լադենբուրգերի դուստրն էր։ Ընդհանրապես, եթե դատենք ոչ միայն այս դրվագով, այլ առկա իրողություններով, ապա պետք է փաստենք, որ Եվրոպան այսօր կանգնած է լրջագույն խնդրի առաջ։ Դա ունի իր մի քանի հիմնական գործոնները։ 90–ականների սկզբներին, երբ Եվրոպան հասկացավ, որ չի կարողանում ապահովել ծնելիություն, իսկ դրա գլխավոր պատճառներից մեկը հենց արևմտյան մտածողությունն էր, սկսեց այդ բացը լրացնել հետխորհրդային տարածքի և, այսպես ասված, «երրորդ աշխարհի» երկրների հաշվին։ Ժամանակի ընթացքում, չգիտես ինչու, հետխորհրդային տարածքի երկրների բնակչության ներգաղթը կասեցվեց, իսկ արաբական աշխարհինը թողնվեց նույն տեմպերով։

Սա առնվազն տարակուսելի է մի քանի գործոններից ելնելով։ Նախ, հետխորհրդային տարածքի ժողովուրդներից շատերը՝ հայեր, ռուսներ, վրացիներ, ուկրաինացիներ, ավելի շուտ էին ադապտացվում այդ միջավայրին։ Նրանք հիմնականում խնդիրներ չէին ստեղծում մշակութային և կրոնական հակադրությունների դաշտում, ինչն առկա է արաբների կամ մյուս մուսուլմանների պարագայում։ Առավելագույն հանցագործությունները, որ կարող են կատարել, դա մանր զեղծարարություններն են և գողությունները, որոնց մեջ ներքաշված են նաև արաբները, աֆղանները, իրաքցիները և այլք։ Սակայն, ի տարբերություն առաջինների՝ հետխորհրդային ժողովուրդների, այս վերջինները ներքաշված են նաև ավելի ծանր հանցագործությունների մեջ՝ ահաբեկչություն, սպանություններ, բռնաբարություններ, կազմակերպված հանցագործություններ։ Այստեղ տրամաբանական հարց է առաջանում, ինչո՞ւ է Եվրոպան շարունակում հանդուրժող գտնվել նրանց նկատմամբ, իսկ ավելի շուտ ինտեգրվող ժողովուրդների հանդեպ՝ ոչ։

Այս հարցի պատասխանը գտնել շատ դժվար է։ Ակնհայտ է, որ արևելքի հետ կան ամենատարբեր հակադրությունները, որոնք արտահայտվում են մշակութային ընկալումների դաշտից սկսած, մինչև քաղաքական ասպեկտ։ Եվրոպայում հայտնված արաբը կամ աֆղանը, մտածում է, որ շարունակելու է ապրել այն արժեքային դաշտում, որում ապրել է երկար տարիներ։ Անգամ նրա երրորդ սերունդը չի փոխվում։ Իսկ եվրոպացին ստիպված է հանդուրժել նրան, քանի որ ժամանակի կարճատես քաղաքականության արդյունքում, դարձել է ԱՄՆ քաղաքականության ֆորտպոստը։ Այդ նույն ժողովրդագրական ճգնաժամը նրանք կարող էին հաղթահարել ինչպես հետխորհրդային տարածքի ժողովուրդների, այնպես էլ պակաս վտանգավոր չինացիների հաշվին։ Սակայն յուրաքանչյուր թեժ կետ ստեղծելուց հետո, ԱՄՆ–ն, տեղի խաղաղ բնակչության խնդիրները պարտադրում է Եվրոպային։ Բայց նրանք խաղաղ են միայն տեղում։ Հենց հայտնվում են Եվրոպայում, տեղի է ունենում արժեքային բախում և հակադրություն, որի մասին վերը խոսեցինք։

Իսկ այդ բախումներում, երրորդների անհատի շեշտվածությունը դառնում է թելադրող։ Այդպես է եղել Աֆղանստանի, Իրաքի, իսկ այժմ արդեն Սիրիայի պարագայում։ Իսկ Եվրոպան, ոչինչ չի կարողանում անել։ Միայն հայտարարում է ձևական մարդասիրություն, և էլ ավելի խճճվում և կորցնում դիմագիծը։ Ու այստեղ, որպես վերջաբան, արդիական է դառնում երկու հայտնի հարցադրում՝ պատմության ավա՞րտը, թե՞ Եվրոպայի մայրամուտը։



Վահրամ Թոքմաջյան
«Փաստ» օրաթերթ

loading...
Թուրքիան պատասխան է տալու սպառնալիքներին. Չավուշօղլուն պատասխանել է Գերմանիայի արտգործնախարարին Արտակարգ դեպք Երևանում. 6-րդ գլխավոր վարչության ծառայողները կալանավորների հիվանդանոցի աշխատակցուհու հեշտոցում հայտնաբերել են թմրամիջոց, նա ձերբակալվել է Կոս կղզում երկրաշարժի հետևանքով տուժածների շրջանում ՀՀ քաղաքացիներ կամ հայեր չկան. ԱԳՆ Երևանում հայտնի հոգեբանի մահվան փաստով հետախուզվող 34-ամյա կասկածյալին Կենտրոնի ոստիկանները հայտնաբերել են «Զվարթնոց»-ի բացօթյա կինոսրահում կներկայացվի «Տխուր փողոցի լուսաբացը» ֆիլմը Հունահռոմեական ոճի Եվրոպայի պատանեկան առաջնությանը Հայաստանից կմասնակցի 9 մարզիկ Հըզբոլլահը լակմուսի թուղթ՝ ռուս–իրանական հարաբերություններում Բոլոր ազգերի մեջ հայ մայրիկն առաջին մրցանակի հաղթող Կևորկ Ափկարյան. «Մենք հայավարի չենք աշխատում. մենք եվրոպական որակ ենք ապահովում» Որպեսզի մարդիկ տարբերեն իրական իրողությունը Հ1–յան իրողությունից Ֆիրդուսի բնակիչ. «Մեր դիմաց դուբինկաներով ոստիկաններ էին կանգնել, մենք հանցագործնե՞ր ենք» Սևանի մակարդակը մոտ մեկ ամսվա մեջ իջել է 7 սանտիմետրով ՀՀ քաղաքացու որդին՝ Ռուսաստանում ԱՄՆ դեսպան. Բաքվում հիստերիա է «Հայաստան» գրությամբ շապիկով իրանցի զբոսաշրջիկն իրարանցում է առաջացրել Բաքվում Օրվա կադրը Despacito երգն արգելվել է Մալազիայի պետական հեռուստառադիոյի եթերում Հնդկաստանի նախագահ Է դարձել Ռամ Նաթ Քովինդը Չի կարելի մարդուն ստիպել լեզու սովորել, որը նրա մայրենին չէ. Պուտին Մատենադարանը վերակազմավորվում է հիմնադրամի «Բարսելոնայի» նախագահն անհանգստացած է և հանդիպել է Նեյմարի հետ, ՊՍԺ-ն անհավանական առաջարկ է արել ՉՄԳ. ՄՅՈւ-ի հավանական մեկնարկային կազմը Մանչեսթեր Սիթիի հետ խաղում Դոնբասում զոհվել է 9 և վիրավորվել 5 ուկրաինացի զինվորական Տարոն Մարգարյանին շնորհվել է Ճարտարի պատվավոր քաղաքացու կոչում Առաջին բանակային զորամիավորումում անցկացվել է հրամանատարական հավաք ՊՊԾ գնդի գործով 15 ամբաստանյալներ 10 ժամով հեռացվեցին դատական նիստերի դահլիճից
Այսօր Այս շաբաթ Այս ամիս
website by Sargssyan