Երևան, 22.Հուլիս.2018,
--
:
--
,

Բացահայտ և բարձրաձայն խոսելը մեր մշակութային ժառանգությունն է, մենք արժանի ենք դրան Օսմանյան բռնությունների 600 տարիներից հետո. Սերժ Թանկյան

Շատ մարդիկ ամբողջ աշխարհում տարակուսած են և չեն հասկանում, թե ինչու է ոստիկանական բաժանմունքի գրավումը առաջացրել կարծես անդառնալի պառակտում Հայաստանի բնակչության մի հատվածի և իշխանությունների միջև:

Տարիների խաղաղ ցույցերը՝ տարբեր խնդիրներով պայմանավորված,
անվերջ ՀԱՄԱԿԱՐԳԱՅԻՆ ԿՈՌՈՒՊՑԻԱՆ, ներառյալ գիտակցված կոռուպցիան ԼՂ պաշտպանական ուժերի պատշաճ զինվածության շուրջ, ԴԱՏԱԻՐԱՎԱԿԱՆ ԱՆՀԱՎԱՍԱՐՈՒԹՅՈՒՆԸ, ՈՍՏԻԿԱՆՈՒԹՅԱՆ ԴԱԺԱՆՈՒԹՅՈՒՆԸ, ԿԵՂԾՎԱԾ ԸՆՏՐՈՒԹՅՈՒՆՆԵՐԸ, ՕՏԱՐԵՐԿՐՅԱ ՄԻՋԱՄՏՈՒԹՅՈՒՆԸ, տնտեսական հնարավորությունների պակասը և դրա արդյունքում ԱԶԳԱՅԻՆ ՀԱՅԱԹԱՓՈՒՄԸ հիասթափության վառոդի տակառ են ստեղծել ընդդեմ նախագահ Սերժ Սարգսյանի իշխող կառավարության:

Ինչ էլ որ տեղի ունենա Սասնա Ծռեր զինված խմբի հետ մոտակա 24 ժամվա ընթացքում, քաղաքական ճշմարտությունը հետևյալն է.

1) Առաջիկա 2017թ. խորհրդարանական ընտրությունների ժամանակ ընտրախախտումները, լցոնումները և գողացված քվեները այլևս անտարբերությամբ չեն ընդունվի, Հայաստանի բնակչությունն ամբողջ ուժով դեմ կգնա դրանց:
Միայն կառավարության անպատասխանատու, անարդար ծրագրերն ու արձագանքները կարող են հեղափոխություն առաջացնել Հայաստանում: Սա նշանակում է, որ մենք բոլորս պետք է շարունակենք ամրապնդել քաղաքացիական հասարակության դերը երկրում և ուժեղացնենք առաջիկա ընտրությունները մշտադիտարկելու ջանքերը` միջազգային լրատվամիջոցների ներկայությամբ և բացարձակ թափանցիկությամբ:

2) «Մենք չենք ուզում որևէ գերտերության պոռնիկը լինել»: Դասը, որ քաղել ենք անցյալում տեղի ունեցած ցույցերից, այն է, թե ինչպես էին արտաքին ուժերը հետաքրքրված դրանք իրենց սեփական շահերի համար որպես քաղաքական գործիքներ օգտագործելու: Մենք պետք դիվանագիտական անցում կատարենք միաբևեռ աշխարհաքաղաքականությունից դեպի այնպիսին, որն ամեն ինչ կդիտարկի ի շահ մեր հայրենիքի:

3) Հայկական Սփյուռքը այլևս չի կարող իրեն թույլ տալ սոսկ «բանկային քարտ» լինել Հայաստանի համար, այլ ստիպված կլինի կազմակերպվել և դառնալ «զսպումներ ու հակակշիռներ», ինչի կարիքը չափազանց շատ ունենք երկրում: Սփյուռքի լռությունը երկրում տեղի ունեցող անարդարությունների հանդեպ մեր երկիրը ավելի վատն է դարձրել, ոչ թե` ավելի լավը: Արդարացում չկա կապի հետագա բացակայության համար:

4) Մենք այլևս չենք կարող ակնկալել լինել «փրկված» առաջնորդի կամ նախագահի կողմից: Մենք չպետք է կարիքն ունենանք դեմագոգների կամ կուռքերի: Մեր կամքը և ապագա դիսկուրսը պետք է ձևավորել բոլոր հայերի հետ միաբանության մեջ: Դա նշանակում է` հանրային ֆորումներ, որոնք կբերեն իսկական ժողովրդավարության:

5) Մենք Էրդողանի Թուրքիան չենք, և լրագրողների նկատմամբ բռնություններն ու նրանց ազատազրկումները չենք հանդուրժի: Բացահայտ և բարձրաձայն խոսելը մեր մշակութային ժառանգությունն է, և մենք արժանի ենք դրան Օսմանյան 600 տարիների բռնություններից հետո: Լրատվամիջոցների նկատմամբ հալածանքները կառավարության թուլության նշան են ցանկացած երկրում:

6) Ոստիկանապետն ու Երևանի քաղաքապետը պետք է հրաժարական տան՝ հաշվի առնելով այն, թե ինչպես է Երևանի ոստիկանությունը արձագանքել իրավիճակին: Ուժերի վերապատրաստումը նույնպես խորհուրդ է տրվում: Ոստիկանները, ովքեր տեսնում են, որ մարդկանց առանց պատշաճ հիմնավորման ձերբակալում են, պետք է դիմադրեն և հրամաններ չկատարեն՝ իրենց ժողովրդին վնասելով:

7) Ոչ` բռնությանը. որքան էլ ժողովուրդը զայրույթ է զգում իշխող էլիտայի հանդեպ, նա չպետք է բռնություն կիրառի ոստիկանի կամ որևէ մեկի նկատմամբ: Այդ սպաների մեծամասնությունը մեր որդիներն ու դուստրերն են և ավելի մեղավոր չեն անարդարությանը ծառայելու մեջ, քան մենք, նույնիսկ եթե նրանք իրականացնում են կառավարության հրամանները:
Ոչ ոք արժանի չէ բռնության: Մի երկրում, որտեղ գրագիտության մակարդակը ավելի քան 90% է կազմում, ինքնադատաստան չպետք է լինի:

Նախագահը և Հայաստանի առաջնորդները պետք է ցույց տան իրենց առաջնորդությունը և անմիջապես թուլացնեն լարվածությունը՝ զիջումներով և  ողջամտությամբ: Նրանք պետք է գիտակցեն, որ ներկա իրավիճակի պատճառը պատանդներ վերցնելու ստանդարտ պատմություն չէ, այլ` մարմնավորումն է իրենց իշխանության անհավասարակշռության:

Այլևս չենք կարող դիտել, թե ինչպես է մեր երկիրը մեր աչքի առաջ ոտնակոխ լինում և զրկվում բնակչությունից:
Պատմության ընթացքը գործողություններով են փոխում, ոչ թե` անտարբերությամբ:

Ամենակարևորը` պետք է անհապաղ վերջ տանք Երևանի փողոցներում տեղի ունեցող արյունահեղությանը:

Վերջում` միջազգային հեռուստատեսային ծրագիր այս թեմայով:
Ինձ դուր եկավ ծրագրի վերջնամասում Ռիչարդ Կիրակոսյանի արտահայտած միտքը՝

«Այլևս հետդարձի ճանապարհ չկա: Սովորական վիճակի վերադառնալու հնարավորություն չկա: Նախկին ստատուս քվոն անդառնալի և ցուցադրական կերպով անընդունելի է դարձել»:

Սերժ Թանկյան, facebook

loading...
Գերմանիայի կանցլերի գրասենյակը դեռևս չի մեկնաբանում Հայաստան Մերկելի հնարավոր այցի մասին տեղեկությունը Թուրքիայի քեմալական կուսակցության ազատազրկված պատգամավորը հացադուլ է սկսել Որակյալ կահույքի արտադրություն ու մատչելի գներ․սա «Ավելինո»-ն է Մուշավան թաղամասի հրդեհը մարվել է. դեպքի վայրում էր նաև ԱԻ նախարարը Հայաստանի ՓՄՁ ԶԱԿ-ը նոր տնօրեն ունի Քաղցրավենիք, բուսական պահածոներ ու թանապուր. զորամասերում սննդակարգի փոփոխություններ են իրականացվում Վարչապետ Նիկոլ Փաշինյանի մամուլի ասուլիսը Փաշինյանն օգտակար է համարում Տեր-Պետրոսյանի հետ զրույցը և չի բացառում մյուս նախագահների հետ հանդիպելու հնարավորությունը Ռուսաստանն ունի հնարավորություն թույլ չտալու պատերազմի վերսկսումը տարածաշրջանում. Փաշինյան Հայաստանի Հանրապետությունում արտոնյալ գործարարներ չեն լինի. Փաշինյան «Ադրբեջանցիները վախենում են ճշմարտությունից». սպառնալիքներ ստացող հայազգի բլոգերը տեսանյութ է հրապարակել Երևանից (տեսանյութ) 2021-ից ընդերքօգտագործողները բնապահպանական հարկ են վճարելու թափոնների տեղադրման կամ պահման համար «Տուբերկուլոզի դեմ պայքարի ազգային կենտրոն» ՊՈԱԿ-ում հայտնաբերվել են մի շարք չարաշահումներ և խախտումներ Արարատ Միրզոյանն ԱՄՆ կոնգրեսականին հայտնել է Հայաստանում մինչև ապրիլ ընտրություններ անցկացնելու մտադրության մասին «Դարաշրջանն» ու «Դվին 2018»-ը մշակութային Հայաստանում Պետությունը մշակույթին պիտի խանգարի, չխանգարի, օգնի, անտեսի, վերահսկի. կարծիքներ հանդիպում-քննարկումից Ճանաչեք հին Երևանը. «Քաղաք» պանդոկ «Վահանագեղձի հանգույցներ». խնդիրներն ու բուժումները Արմեն Վարժապետյանի գրքում Նախագահը ընթրիք-հանդիպում է ունեցել հայտնի կինոգործիչների հետ Արմեն Արզումանյանը նշանակվել է ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Ոչ մի բան չանեինք, կարող է՝ ավելի լավ լիներ. կրթության փորձագետը՝ բարեփոխումների վերաբերյալ Սպանություն Գեղարքունիքում. երկու անձ ձերբակալվել է Գավառ քաղաքից 21 կմ դեպի արևմուտք երկրաշարժ է գրանցվել
Այսօր Այս շաբաթ Այս ամիս
website by Sargssyan